Zgjedhjet në Kosovë, intervista me qytetarët e Prishtinës – (28 Tetor 2000)
Lajme Arkiva – TV Klan 2000
Dita e zgjedhjeve në Kosovë. Intervista në rrugët e Kosovës për zgjedhjet që po ndodhin aty.
“Jemi të gëzuar se është hera e parë, që shqiptarët votojnë për shqiptarët. Pas shumë shekujsh, ky popull i shtypur erdhi koha të votojë për njerëzit e vetë, me dëshirën e vetë dhe prej këtyre zgjedhjeve presim shumë”.
“Këto janë zgjedhje shumë të rëndësishme, për të ardhmen e Kosovës, Fushata ka qenë e drejtë, ka qenë demokratike, pa incidente dhe kjo dëshmon pjekurinë dhe gatishmërinë e shqiptarëve dhe kosovarëve, për të pranuar vlerat e demokracisë perëndimore, për të ndërtuar institucionet demokratike të Kosovës”.
“Pjesëmarrja në votim ka qenë masive, nuk mbaj mend asnjëherë kaq shumë njerëz në votime, meqenëse këto janë edhe votimet tona të para në historinë e Kosovës”./tvklan.al