Lajme Arkiva – TV Klan 2000
Kjo është qendra e vetme ku mund të votojnë kosovarët në Tiranë. Është ngritur pranë rulotave që mbajtën gjatë krizës, kosovarët e dëbuar. Një e tillë është ngritur edhe në qytetin e Durrësit. Të drejtën e votimit e kanë 200 shtetas kosovarë, të regjistruar në Tiranë, të cilët nuk janë larguar ende në trojet e tyre.
Një qytetar kosovar, duhet të paraqesë kartën e identitetit, që vërteton nënshtetësinë e tij, si dhe kartën e regjistrimit bërë nga OSBE dhe UMNIK. Këtu votohet për 17 komuna. Dy fleta i paraqiten çdo votuesi, tek e para janë të shënuara partitë për çdo komunë dhe tek fleta e dytë votuesi njeh kandidatin.
Pasi të mbyllet ky proces në orën 7 pasdite, kutia do të niset në Prishtinë, ku do të ndodh dhe numërimi i votave./tvklan.al
Gazetare – Holta Zhiti