Zgjidhja e situatave me dhunë, psikologët: Modelimi në familje sjell krim
Krimi i pasionit që shënoi dy viktima ditën e premte ka tronditur opinionin publik. Vrasja e 19-vjeçares Xhuljeta Çuni nga ish i dashuri 31-vjeçar është rasti fundit ku dashuria e pamundur finalizohet me plumba.
Për këtë fenomen, psikologët shprehen se është një problematikë e shoqërisë shqiptare, e cila që në gjenezë është mësuar të zgjidhë situatat përmes dhunës.
Mungesa e vëmendjes ndaj probleme mendore është një tjetër problem, që sipas psikologëve, çon në ngjarje të rënda.
Kujtojmë se drama të tilla nuk janë të panjohura për shoqërinë tonë. Po të premten, burri qëlloi mbi gruan e tij për motive xhelozie, e po ashtu më herët për një dashuri të pamundur mbeti e vrarë para disa muajsh, edhe e reja Ariela Murati, e cila u qëllua nga ish i dashuri.
Klan Plus