Zhegrova shkëlqen në Europa League
Futbollisti i përfaqësues së Kosovës, Edon Zhegrova shkëlqeu në fitoren 4 – 1 të Genk në fushën e Fola Esch. Mesfushori 19-vjeçar ia bëri më të lehtë suksesin skuadrës belge në përballjen e kthimit të turit të dytë në Europa League.
Genk kishte fituar me rezultatin 5 – 0 sfidën e parë në shtëpi, ndërsa në Luksemburg riu kosovar spikati me dy gola. Zhegrova tregoi edhe një herë se zotëron një teknikë për tu admiruar.
Mediat belge shkruajnë se ishte 19-vjeçari që udhëhoqi ekipin drejt një fitoreje të thjeshtë. Genk synon sërish grupet e Europa League dhe është në pritje të kundërshtarit të radhës. Gjithçka do të zgjidhet sot pas ndeshjes Lech Poznan – Shakhtyor Soligorsk.
Mund të kemi një përballje shqiptarësh, pasi te bjellorusët e Shakhtyor luan Elis Bakaj. Mesfushori 31-vjeçar realizoi golin e barazimit 1 – 1 në sfidën e parë.
Tv Klan