Zhvendoset pas tre vjetësh anija “Lakimar” nga porti i Durrësit – (14 Janar 2001)
Lajme Arkiva – TV Klan 2001
Mbrëmë kapitaneria e portit të Durrësit në bashkëpunim me drejtorinë dhe ndërmarrjen e mjeteve detare, kanë zhvendosur nga kalata numër 8, anijen “Lakimar”, e cila për tre vjet me radhë kishte pushtuar 110 metra vend. Kjo lëvizje i jep frymëmarrje dispecerisë së portit, e cila u zu ngushtë para disa ditësh kur me dhjetëra anije, prisnin në radhë për t’u përpunuar. Anija “Lakimar” u zu nga forcat e antikontrabandës, ku në bordin e saj u gjetën 4 ton cigare kontrabandë. Të gjitha anijet e sekuestruara nga forcat e policisë, tashmë janë nxjerrë në shitje./tvklan.al