Zjarr i fuqishëm në fshatin Çorrush të Mallakastrës
Të gjithë banorët e fshatit Çorrush në Mallakastër janë evakuuar, pasi zjarri ka prekur banesat. Nga raportimet e deritanshme thuhet se tri shtëpi janë djegur plotësisht.
Zjarri në Çorrush të Mallakastrës mori përmasa të befasishme. Era favorizoi flakët dhe i çoi ato drejt banesave të fshatit. Në vendngjarje shkuan mjetet zjarrfikëse dhe ekipet e emergjencave. Duket se do të jenë orë të vështira për banorët në Çorrush të Mallakastrës, të cilët me mjete rrethanore janë rreshtuar në krah të punonjësve të emergjencave./Abc News
