Zjarr në aeroport, flakët përfshijnë edhe avionin
Një avion i “Star Alliance” është përfshirë nga flakët në Aeroportin e Frankfurtit, pasi një kamion që tërhiqte aeroplanin ka shpërthyer në flakë.
Zjarri u përhap në kabinën avionit Airbus A340 të “Lufthansa” ndërsa ishte duke u lëvizur pranë terminalit. Ekipet e shpëtimit nxituan të shuanin zjarrin, i cili e la pjesën e jashtme të avionit tërësisht të nxirë.
Tymi i zi mund të shihej duke dalë nga avioni pranë terminalit.
Një zëdhënës i Aeroportit të Frankfurtit konfirmoi se nuk ka lëndime të raportuara.
Nuk dihet ende nëse pasagjerët ose ekuipazhi kanë qenë në bordin e avionit kur shpërthyen flakët.
/tvklan.al