Zjarr në azilin e pleqve, 10 të moshuara humbasin jetën
Dhjetë gra të moshuara kanë humbur jetën, pasi një zjarr përfshiu ndërtesën e tyre në një azil pleqsh në Kili.
Vetëm tre gra mundën të shpëtonin nga dy dhomat e përfshira nga flakët.
Në momentin e shpërthimit të zjarrit në ndërtesë gjendeshin 42 banorë. Zyrtarët thanë se për fat të mirë flakët nuk u hapën në ndërtesa të tjera.
Nuk dihet ende se çfarë e shkaktoi zjarrin megjithëse hetimet për të zbardhur rrethanat e ngjarjes kanë nisur.
Sipas burimeve zyrtare një sobë me dru ishte gjetur brenda shtëpisë. Por dëshmitarët thanë se dëgjuan një shpërthim para zjarrit gjë që tregon se mund të kishte pasur një qark të shkurtër./tvklan.al