Zjarri në Qytetin Studenti – (30 Korrik 2000)
Lajme Arkiva – Tv Klan 2000
Përsëri zjarr në Tiranë. Kësaj radhe në orët e nxehta të mesditës është dalluar zjarr në një shtëpi në Qytetin Studenti, pranë godinës numër 1. Zjarri ka rënë në oborrin e shtëpisë dhe menjëherë është përhapur në të gjithë rrethimin dhe pemët e oborrit duke rrezikuar të përfshijë edhe godinën e studentëve ngjitur me rrethimin e shtëpisë.
Për fat të mirë makina e zjarrfikëses është ndodhur fare pranë Qytetit Studenti dhe ka mbërritur menjëherë në vendngjarje. Gjatë dy muajve të verës në Tiranë çdo ditë ka pasur dy ose tre zjarre në zona të banuara. Për çdo banor zjarrfikësit bëjnë apel për kujdes pasi temperaturat e larta të këtyre ditëve bëjnë që të përhapen shpejt flakët, duke rrezikuar përveç banesave edhe jetën e njerëzve./tvklan.al