Zjarri shkrumbon 3 banesa
Një zjarr i fuqishëm ka shkrumbuar tre banesa gjatë natës, në fshatin Qukës të Prrenjasit.
Për pasojë të plagosur kanë mbetur disa persona. Dy prej tyre, Nafie dhe Besnik Aliaj, banesa e të cilëve u përfshi e para nga flakët, mësohet se kanë marrë plagë të rënda. Ata u dërguan në spital dhe ndodhen nën kujdesin e mjekëve.
Aktualisht, mësohet se flakët janë arritur të shuhen, por dëmet janë të mëdha. Të paktën 17 persona raportohet se kanë mbetur të pastrehë. Ende nuk dihen shkaqet e rënies së zjarrit dhe për rastin autoritetet kanë nisur hetimet./tvklan.al