Zyrtari gjerman: Shqipëria nuk i ka plotësuar kushtet për hapjen negociatave

• Shpërndaje

Hapja e negociatave për anëtarësim në Bashkimin Europian duket një mision i pamundur për Shqipërinë.

Ne duam që Shqipëria të bëhet anëtare me të drejta të plota e BE. Duam që qytetarët e Shqipërisë të përfitojnë nga avantazhet e statusit, anëtarë të BE. Duam që negociatat me Shqipërinë të çelen kur të jenë krijuar kushtet e nevojshme. Krijimi i shtetit të së drejtës ka rol thelbësor. Sot është ende e paqartë se kur do të hyjë në fuqi reforma në drejtësi, pasi Gjykata Kushtetuese e ka pezulluar. Deri tani, ky kush nuk është përmbushur. Deri tani nuk janë përmbushur numri 2 dhe numri 3 i prioriteteve kyçe. Rezultatet e deritanishme janë të pamjaftueshme. Për këto arsye do t’i rekomandojë Qeverisë Federale mos miratojë hapjen e negociatave

1. Në lidhje me reformën në administratën publike, duhet të provohet në praktikë sa qëndrueshëm është zbatimi i ligjeve të miratuara.
2. Reforma në drejtësi duhet të zbatohet në mënyrë të qëndrueshme dhe të plotë me qëllim forcimin tërësor të nivelit të profesionalizmit dhe të integritetit në fushën e drejtësisë. Për arritjen e këtij qëllimi duhet të ketë hyrë në fuqi reforma në drejtësi, të jenë miratuar ligjet e nevojshme për zbatimin e saj dhe të zbatohen këto të fundit. Ky proces duhet të jetë në përputhje me standardet evropiane. Pjesë e domosdoshme është verifikimi i rreth 800 gjyqtarëve dhe prokurorëve ( i ashtuquajturi procesi i vetting-ut). Ky proces duhet të ndjekë parimet e dhëna nga Komisioni Evropian: asnjë afat përshkrimi apo procesimi, rregullime ligjore për dëshmitarët kyç, verifikim i plotë i pasurisë, asnjë kufizim në rolin e ekspertëve ndërkombëtarë të monitorimit, rekomandimet e ekspertëve ndërkombëtarë të monitorimit duhet të ndiqen e të zbatohen në praktikë. Një kusht për çeljen e bisedimeve të anëtarësimit përbën verifikimi shterues i të gjithë gjyqtarëve dhe prokurorëve të gjykatave të larta dhe të prokurorive, i gjyqtarëve të gjykatave të l apelit si dhe marrja e masave ligjore dhe individuale.
3. Në luftën ndaj korrupsionit nëpërmjet Strukturës së Posaçme kundër Korrupsionit dhe Krimit të Organizuar (SPAK), e cila duhet të jetë e pavarur nga kontrolli dhe ndikimi i politikës, duhet të jenë shënuar arritje të konsiderueshme. Në këtë kontekst është veçanërisht e nevojshme që në rastet e korrupsionit të funksionarëve të lartë të jenë ngritur paditë penale dhe të jenë dënuar me vendim gjykate të formës së prerë.
4. Po kështu duhet të shënohen arritje të konsiderueshme në luftën ndaj krimit të organizuar. Në këtë drejtim duhet të jetë rritur ndjeshëm numri i dënimeve me vendime të formës së prerë. Duhet të forcohen dukshëm përpjekjet për luftën e qëndrueshme ndaj krimit të drogës dhe duhet të shënohen suksese të prekshme.
5. Në lidhje me prioritetin kyç në fushën e të drejtave të njeriut, masave kundër diskriminimit dhe realizimit të së drejtës së pronës, Shqipëria ende duhet të përmbushë ato pika që përmend Komisioni Evropian në raportin e tij të datës 9 nëntor 2016.
6. Rekomandimet e OSBE-së dhe të ODHIR-it në lidhje me reformën zgjedhore duhet të zbatohen deri në zgjedhjet e qershorit 2017. Këto zgjedhje duhet të përmbushin standardet evropiane.
7. Ligji për Dekriminalizimin e parlamentit, të institucioneve qendrore e vendore dhe të administratës publike duhet të zbatohet në mënyrë të qëndrueshme e të plotë. Në këto instanca, veçanërisht në parlamentin shqiptar nuk duhet të zgjidhen e të ushtrojnë detyra e funksione publike persona që ndiqen me urdhra arresti kombëtarë ose ndërkombëtarë, apo që janë dënuar me vendim gjykate./tvklan.al