Zyrtarizohet slogani i Shqipërisë në “Euro 2016”
Tashmë Kombëtarja që do të përfaqësohet në finalet e Euro 2016 në Francë e ka zgjedhur sloganin.
“O Sa Mirë Me Qenë Shqiptar” ,
ky është slogani që do të shoqërojë aventurën e heronjëve kuq e zi në turneun më të rëndësishëm kontinental.
UEFA zyrtarizoi sloganët fitues, për secilën nga 24 skuadrat finaliste të Kampionatit Europian, pas votimit të zhvilluar në faqen zyrtare, ku prej disa javësh tifozët kishin mundësi të zgjidhnin mes tre alternativave.
Përveç “O Sa Mirë Me Qenë Shqiptar”, votuesit kishin mundësi të zgjidhnin edhe vargjet e Naim Frashërit “Ti Shqipëri më jep nder!”, të cilat janë mes simboleve të fanellës së Kombëtares në Euro 2016. “Fluturo shqipe”, ishte gjithashtu një ndër alternativat për zgjedhjen e sloganit./tvklan.al